CHIRPUTT

Chirputt

Mhaka-i xiddkailolem zalear...
Ghorabeant bhurgem-ball asot zalear soglleankuch sanvrona titli khoxalkai bhogta. Konnagerui logna uprant chodd kall bhurgem zolmona zait zalear, nhoich ghov-bailek bogor akhea ghorabeant khont-husko zata. Ghorchim magir hea ani tea santak angovnneo kortat, Devak, Saibinnik ulo martat. Ani bhurgem-ball zolmotoch keloleo angovnneo pallttat, cheddo zanv, cheddum zanv, vaddtta-vaddtta, gineanak pavta. Avoi-bapui tacho khub mog ani apurbai kortat. Magot titlem-i bhurgeak ditat, dhadoxi kortat, oslech gotir bhurgem vaddta vaddtana avoi-bapain oglli zotnai gheunk zai, taka xistin vaddounk, supurlench astana lhan chuki adarta ten’na, nittaier haddunk gorjechem. Ponn hem korunk avoi-bapui chuktat.
Ek bhurgem iskolak vetana eka cheddeache ixttagotik poddlem tachi ixttagot vaddot geli vaddeantlea zanntteanche nodrek tim poddlim. Bhurgeachim vankddim kortubam, avoik gomoilim ponn avoin porva korunk na, voilean te zannttelek mhollem - “Mauxe, mhojem cheddum toxem korchem na” anik eklean avoik sanglem “polle cheddum omke kodden omkea sangata mouza kortalem”. Ponn cheddvache avoin aplea cheddvak xiddkaunche bodlek, tea mon’xak dhomkailo. Xekim cheddum gorbest zalem, ani magir kitem? Ghorabo lojek poddlo, avoi-bapaik khonticho dhoko, cheddvacher niraxiponn ailem ani hea niraxiponnachea bhesar cheddum avoik xinnlem:” tunvem mhaka poilench xiddkail’lem zalear hanv lojechea bhesar pavchim naslim”.
_________________________